ម្លប់ត្នោតដងព្រែក

 ម្លប់ត្នោតដងព្រែក ជាបឹងហ្គាឡូមួយកន្លែងដែលមានការតុបតែងលម្អបែបបុរាណ មានផ្ទះលំហែបែបខ្មែរសង់ឡើងពីឈើ ស្ថិតនៅដាច់ដោយឡែកពីគ្នា​សម្រាប់ស្នាក់នៅជាលក្ខណៈគ្រួសារ។​ បន្ទប់នីមួយៗនៅទីនោះមានការរៀបចំឡើងយ៉ាងមានសណ្ឋាប់​ធ្នាប់ លម្អដោយគ្រឿងសង្ហារឹមប្រណីតៗ មានសោភ័ណភាពគួរអោយចង់ស្នាក់នៅ។ រីឯទីធ្លាខាងក្រៅវិញមានសភាពធំទូលាយ អាចបោះតង់គេងបាន អមដោយសួនច្បារ និងផ្កាចម្រុះពណ៌ជាច្រើន រួមជាមួយខ្យល់អាកាសបរិសុទ្ធតាមបណ្តោយដៃព្រែកដែលលោកអ្នកក៏អាចជិះទូកកាយ៉ាកគយគន់ទេសភាពផងដែរ ពិតជាស្រស់ស្រាយណាស់។  មិនត្រឹមតែប៉ុណ្ណោះ បឹងហ្គាឡូក៏មានកន្លែងសម្រាប់ថតរូប Pre-Wedding និងទទួលរៀបចំកម្មវិធីជប់លៀង ខួបកំណើតផងដែរ។  ម្លប់ត្នោតដងព្រែកមានទីតាំងស្ថិតនៅភូមិអណ្តូងជីមុឺន ឃុំកំពង់គ្រែង ស្រុកទឹកឈូ ខេត្តកំពត ចម្ងាយប្រហែល ១១គីឡូម៉ែត្រពីរង្វង់មូលទុរេន។