ផ្ទះសំណាក់គ្រួសារយើង

រីករាយ ជាមួយនឹងការស្នាក់នៅ ពោរពេញ ទៅដោយ បរិយាកាស ទេសភាព ខ្យល់បរិសុទ្ធល្អ មាននៅ ផ្ទះសំណាក់ គ្រួសារ យើង សូមស្វាគមន៍មកកាន់ ផ្ទះសំណាក់ គ្រួសារយើង ដែលជាកន្លែងស្នាក់បែបផ្ទះដាច់ដោយឡែកពីគ្នា មានទីតាំងស្ថិតនៅភូមិជុំគ្រៀល ឃុំជុំគ្រៀល ស្រុកទឹកឈូ​ ខេត្តកំពត ដោយបងប្អូនអាចធ្វើដំណើរតាមបណ្តោយផ្លូវជាតិលេខ ៣៣ (កំពត-កែប) ដល់ត្រង់ចំណុចផ្លូវបំបែកវាងក្រុង រួចបត់ស្តាំប្រហែល ២០០ម៉ែត្រ។ បន្ទប់គេងនៅទីនោះមានសភាពធំទូលាយ រៀបចំយ៉ាងមានសណ្នាប់ធ្នាប់ បំពាក់ដោយម៉ាស៊ីនត្រជាក់ បន្ទប់ទឹកស្អាត និងមានអនាម័យ។​ រីឯទីធ្លាខាងក្រៅវិញមានបរិយាកាសបែបស្ងប់ស្ងាត់ល្អ អមដោយតុឈើសម្រាប់អង្គុយជជែកគ្នាលេង និងកន្លែងសម្រាប់ចតរថយន្តដោយងាយស្រួល និងធំទូលាយផងដែរ ជាពិសេសមានទីតាំងស្ថិតនៅមិនឆ្ងាយពីក្រុងកំពតប៉ុន្មានឡើយ។