ផ្កាក្រវ៉ាន់​ប៊ូទិក

ផ្កាក្រវ៉ាន់​ប៊ូទិក ជាប៊ូទិកមួយកន្លែងស្ថិតនៅជាប់នឹងដងព្រែកខេត្តកំពត​ ដែលមានទេសភាពស្រស់ត្រកាលជាពិសេសនៅពេលថ្ងៃរៀបលិច រួមជាមួយនឹងខ្យល់អាកាសត្រជាក់បរិសុទ្ធ។ ចំពោះបន្ទប់ស្នាក់នៅវិញ មានសភាពធំទូលាយដែលមានការរៀបចំប្រកបដោយភាពទាក់ទាញ និងស្រស់ស្អាត ថែមទាំងមានបំពាក់ទៅដោយម៉ាសុីនត្រជាក់ដ៏មានផាសុកភាពផងដែរ។ បន្ទប់នីមួយៗមានការសម្អាតជារៀងរាល់ថ្ងៃ និងប្រកបទៅដោយអនាម័យខ្ពស់។ មិនតែប៉ុណ្ណោះ នៅទីនោះក៏មានការរៀបចំចង្ក្រានអាំងសាច់សម្រាប់ពេលរាត្រីថែមទៀតផង។ រីឯកន្លែងចតឡានវិញ ក៏មានទីធ្លាធំទូលាយ និងមានសុវត្ថិភាពខ្ពស់ ដោយលោកអ្នកមិនចាំបាច់ព្រួយបារម្ភក្នុងការស្នាក់នៅឡើយ។ សម្រាប់លោកអ្នកដែលមានបំណងចង់មកស្នាក់លំហែកាយនៅខេត្តកំពត អាចអញ្ជើញមកកាន់ ផ្កាក្រវ៉ាន់​ប៊ូទិក បានដែលមានទីតាំងស្ថិតនៅសង្កាត់កំពង់កណ្តាល ក្រុងកំពត ខេត្តកំពត ​ដោយលោកអ្នកគ្រាន់តែធ្វើដំណើរតាមផ្លូវលេខ ​៧៣៥​ តាមបណ្តោយមាត់ព្រែកចាប់ពីរង្វង់មូលត្រីផ្សោតទៅត្រង់ ប្រមាណជា 500ម៉ែត្រ ហើយក្រឡេកមើលខាងស្តាំដៃ លោកអ្នកនឹងឃើញ ផ្កាក្រវ៉ាន់​ប៊ូទិក តែម្តង។